அமெரிக்க ஓபன் டென்னிஸ் போட்டி:  நான்காவது சுற்றுக்கு முன்னேறினார் செரினா வில்லியம்ஸ்

அமெரிக்க ஓபன் டென்னிஸ் போட்டி அமெரிக்காவின் நியூயார்க் நகரில் நடைபெற்று வருகிறது பெண்கள் ஒற்றையர் பிரிவு மூன்றாவது சுற்றில், நம்பர்-1 வீராங்கனையான அமெரிக்காவின் செரினா வில்லியம்,ஸ், சுவிடனின் ஜோஹான லார்சனை எதிர்கொண்டார்.

இதன் துவக்கம் முதல் அசத்திய செரினா, 6-2, 6-1 என்ற நேர்செட்களில் வெற்றி பெற்று நான்காவது சுற்றுக்கு முன்னேறினார். இந்த வெற்றியின் மூலம் கிராண்ட்ஸ்லாம் அரங்கில் தனது 307வது வெற்றியை பதிவு செய்தார்.

இதன்மூலம் சர்வதேச டென்னிஸ் அரங்கில் அதிக கிராண்ட்ஸ்லாம் வெற்றியை பதிவு செய்த வீராங்கனை என்ற பெருமை பெற்றார் செரினா. தவிர, ஆண்கள் பிரிவில் சுவிட்சர்லாநந்தின் ரோஜர் பெடரரின் சாதனையையும் சமன் செய்தார் செரினா.